खबरकट्टा / चंद्रपूर :
आज शनिवार 04 फेब्रुवारी रोजी सायंकाळी 4.30 वाजता यवतमाळ जिल्ह्यातील वणी तालुक्यात चंद्रपूर -घुग्गुस लगत असलेल्या (WCL) वणी नॉर्थ अंतर्गत निलजाई कोळसा खाणीच्या क्रशर-कोल हँडलिंग पॉईंट (CHP) मध्ये अचानक मोठी आग लागली. या आगीत कोणतीही जीवितहानी झाल्याचे वृत्त नाही मात्र वेकोलीचे (डब्ल्यूसीएल) लाखोंचे नुकसान झाल्याचा अंदाज व्यक्त केला जात आहे.
माहितीनुसार, वेकोली (WCL) परिसरातील निलजाई कोळसा खाणीतून दरवर्षी लाखो टन (MT) कोळशाचे उत्पादन होते. आणि या बंकरमधून दररोज हजारो मेट्रिक टन (MT) कोळशावर प्रक्रिया केली जाते. हे काम रखडल्याने वेकोली (डब्ल्यूसीएल)चे मोठे नुकसान झाले आहे.
अधिक माहितीनुसार, CHP क्रेसर येथे वेल्डिंगचे काम सुरू होते, काम सुरू असतानाच वेल्डिंग मशीनच्या ठिणगीने पेट घेतला आणि लाखो रुपयांचे मशीन जळून खाक झाले. प्रत्यक्षदर्शींच्या म्हणण्यानुसार, येथे काम करणाऱ्या लोकांच्या निष्काळजीपणामुळे ही घटना घडली?
