खबरकट्टा / चंद्रपूर :
राज्याचे मुख्यमंत्री उद्धव ठाकरे उद्या विदर्भाच्या दौऱ्यावर असून कोरोना संकटाच्या काळात प्रथमच दौऱ्यावर येत असल्याने प्रचंड गोपनीयता या दौऱ्याबद्दल प्रशासनाने बाळगली आहे.
उद्या सकाळी 11 वाजता ते पवनी तालुक्यातील वाई येथे येणार त्यानंतर तेथील गोसेखुर्द राष्ट्रीय प्रकल्पाची पाहणी केल्यानंतर ते दुपारी 2 वाजता नागभीड तालुक्यातील किरमटी मेंढा येथिल सुरू असलेल्या गोसेखुर्द प्रकल्पाच्या डाव्या कालव्याची पाहणी करणार आहेत.
गोसेखुर्द प्रकल्पाच्या कामात होणारी अनियमितता,होणारा भ्रष्टाचार,पाण्यापासून शेतकरी वंचित या सारख्या अनेक तक्रारी सात्यत्याने होत असल्याने मुख्यमंत्री या प्रकल्पाच्या कामात गती यावी यासाठी हा पाहणी दौरा करणार आहेत.
या दौऱ्यासाठी नागभीड तालुका पोलीस प्रशासन,महसूल प्रशासन सज्ज झालेले आहे.
महाराष्ट्र राज्याचे मुख्यमंत्री उद्धव बाळासाहेब ठाकरे यांचा चंद्रपूर जिल्ह्यातील घोडाझरी कालवा पाहणी दौरा कार्यक्रम पुढीलप्रमणे आहे.
दि. 8 जानेवारी 2021 रोजी दु. 1.30 वा. शासकीय तंत्रनिकेतन मैदान ता. ब्रम्हपुरी येथे हेलीकॉप्टरने आगमन. दु. 1.35 वा. घोडाझरी उपकालवाकडे प्रयाण. दु. 1.50 वा. घोडाझरी उपकालवा येथे आगमन व पाहणी. दु. 2.20 वा. शासकीय तंत्रनिकेतन मैदान, ब्रम्हपुरीकडे प्रयाण. दु. 2.35 वा. हेलीपॅड येथे आगमन. दु. 2.40 वा. नागपूर विमानतळाकडे प्रयाण.
