खबरकट्टा/ चंद्रपूर:
चंद्रपूर जिल्ह्यातील धान पट्टयात खरीप बरोबरच उन्हाळी धानाची लागवड मोठया प्रमाणात केली जाते. काही शेतकऱ्यांनी रोवणीला सुरुवात केली असली तरी जानेवारी महिन्यात रात्रीचे तापमान 8 अंश ते 10 अंश सेल्सिअसपर्यंत असल्याने जमिनीतील तापमान कमी झाले. धान रोपाच्या मुळाद्वारे अन्नद्रव्य शोषण कमी झाले. पानातील हरित द्रव्ये कमी होऊन रोपे पिवळी पडली.
प्रकाश संश्लेषण क्रिया मंदावून पानातील पेशी मृत पावली. रोपे कमकुवत होऊन बुरशीजन्य रोगांचा प्रादुर्भाव रोपांवर झाला.एकंदरीत धान रोपामधील शरीरक्रीया मंदावणे, रोपांची वाढ खुंटणे अशाप्रकारे धान रोपांवर प्रादुर्भाव वाढत असल्याने जिल्ह्यातील शेतकऱ्यांची चिंता वाढली आहे .
थंडीपासून धान रोपाचे संरक्षण करण्यासाठी धान रोपवाटिकेमध्ये. नर्सरीमध्ये किंवा धान पत्यामध्ये बांबूच्या कांबीचा किया चारीक लोखंडी सळाखीचा वापर करून कमान तयार करावी. पांडया प्लास्टिकचा वापर करून रोपापासून 50 सेमी उंचीवरून झाकावे. जेनेकरुन रात्रीच्या तपमानात रोपवाटिकेमध्ये 4 ते 5 अंश सेल्सियसने वाढ करता येईल. त्यामुळे अन्नद्रव्य जमिनीतून सहजपणे धानाची मुळे शोधून घेतील रोपे हिरवीगार राहतील. रोवणीस लवकर तयार होतील. धान रोपवाटिकेमध्ये रात्रीच्या वेळी पाणी द्यावे, धान रोपवाटिकेमध्ये जास्तीत जास्त आर्द्रता ठेवावी, अंधार करावा. सकाळी धान रोपावर पडलेले दवबिंदू बाबूच्या किंवा काठीच्या साहाय्याने खाली पाडावे. दर आठ दिवसातून एकदा लाकडाचा भुसा अंदाजे अर्धा ते एक किलो प्रतिदहा चौरस मीटर रोपावर टाकावे.
