खबरकट्टा/चंद्रपूर:
गेवरा :आकाशात अचानक सायंकाळी एक रहस्यमयी रंगीत धावता पट्टा आढळून आला. सुमारे १४ मिनिटे तो दिसत होता. त्यानंतर तो दिसेनासा झाला. मात्र अचानक दृष्टीस पडलेल्या या प्रकाराने नागरिकांमध्ये कुतूहल निर्माण झाले आहे. हा रंगीत पट्टा स्पेस एक्स स्टारलिंक उपग्रह असल्याचा संदेश काही समाज माध्यमावर फिरत होता.
गुरुवारी सायंकाळी 7.15 वाजताच्या दरम्यान पश्चिमेकडून उत्तर दिशेकडे एक रंगीत पट्टा धावत असल्याचे नागरिकांना दिसून आले. दृश्य फक्त दहा ते पंधरा मिनिटांचे होते. काही लोकांचे आकाशाकडे लक्ष गेले असता त्यांना त्याबद्दल कुतूहल निर्माण झाले.
मात्र ते नेमके काय आहे, याबद्दल काहीही कळू शकले नाही. याबाबत नागरिकांत वेगवेगळे तर्कवितर्क लावण्यात येत आहेत. यापूर्वीही जिल्ह्यात पृथ्वीच्या दिशेने एक रिंग व गोळा अशा पद्धतीने आकाशातून झेपावला व सिंदेवाही तालुक्यात जमिनीवर पडला. अम्हा अशा पद्धतीचे नागरिकांत कुतूहल निर्माण करणारा प्रकार घडल्याने रहस्य उलगडण्याची उत्कंठा नागरिकांत आहे.
