खबरकट्टा/चंद्रपूर:
घुग्घूस येथील लॉयड्स मेटल्स उद्योगात स्पंज लोहाचे उत्पादन केले जाते आणि ही प्रक्रिया 5 भट्टीद्वारे केली जाते. या ठिकाणी 100 टिपीडीची 4 भट्टी आणि 500 टिपीडीची 1 भट्टी आहे. गेल्या वर्षीच्या पहिल्या तिमाहीत कंपनीने आतापर्यंतचे सर्वाधिक उत्पादन गाठून नवा विक्रम प्रस्थापित केल्याने कंपनी व्यवस्थापन, अधिकारी व कामगारांमध्ये उत्साहाचे वातावरण निर्माण झाले असून, . केक कापून आनंदोत्सव साजरा करण्यात आला. यावेळी मोठ्या संख्येने अधिकारी व कर्मचारी उपस्थित होते.#khabarkatta chandrapur
यावेळी कंपनीचे संचालक मधुर गुप्ता यांनी सर्व कर्मचाऱ्यांचे अभिनंदन करताना सांघिक कार्यामुळे हे शक्य झाले, असे सांगितले आणिसर्व कर्मचाऱ्यांनी त्याच समर्पण भावनेने काम करावे आणि भविष्यात नवीन विक्रम नोंदवावेत अशी शुभेच्छा दिल्या.#khabarkatta chandrapur
लॉयड्स मेटल्स अँड एनर्जी लिमिटेड कंपनी केंद्र आणि राज्य सरकारने प्रदूषण नियंत्रणासाठी दिलेल्या नियम, अटी आणि प्रदूषण मानकांचे पालन करत आहे आणि सरकारने दिलेल्या मार्गदर्शकसूचनांचे काटेकोरपणे पालन करून पर्यावरण स्वच्छ ठेवण्यासाठी पूर्ण सहकार्य करत आहे.#khabarkatta chandrapur
सिमेंट काँक्रीटचे रस्ते, वृक्षारोपण, त्याच्या अंतर्गत परिसरात 1000 रोपे असलेली गुलाबाची बाग आणि सर्वात महत्त्वाचे आकर्षण म्हणजे कंपनीच्या आवारात असलेल्या जलसाठ्यात सोडण्यात येणारे छोटे मासे, ज्यांची वाढ आता 2 ते 5 किलोपर्यंत झाली आहे. हे सर्व उपक्रम पर्यावरण स्वच्छ ठेवण्यासाठी प्रभावी ठरत आहेत. पर्यावरण स्वच्छ ठेवण्यासाठी कंपनीने केलेल्या कौतुकास्पद कामाचे स्थानिक रहिवाशांकडून कौतुक होत आहे. यासोबतच सामाजिक बांधिलकीच्या कामातून कंपनी घुग्घुस व परिसरातील गावांमध्ये शिक्षण व आरोग्य क्षेत्रात चांगले योगदान देत आहे.
