🅾️🅱️©️ : विदर्भातून पुन्हा एकदा निघणार मंडल यात्रा, बल्लारपुरात पार पडली नियोजन सभा #obc

खबरकट्टा/चंद्रपूर:बल्लारपूर :

ओबीसी समन्वय समिती बल्लारपूर, तसेच मराठा सेवा संघ, संत तुकाराम सेवा मंडळाच्या वतीने न्याय दिनाचे औचित्य साधून राजर्षी छत्रपती शाहू महाराज यांची जयंती साजरी करण्यात आली. यावेळी मंडळ यात्रेची सभा घेण्यात आली.

मंडल यात्रेत जास्तीत जास्त संख्येने सहभागी व्हा.डॉ ऍड अंजली साळवे : अनुसूचित जाती व अनुसूचित जनजाती याच्या प्रमाणे सामाजिक व शैक्षणिक दृष्ट्या मागास वर्गासाठी सुद्धा संविधानात प्रावधान आहे आणि  डॉ बाबा साहेब आंबेडकरांचे या बाबत  विशेष योगदान आहे.राजश्री छत्रपती शाहू महाराज तसेच क्रांतीसुर्य महात्मा ज्योतिबा फुले यांच्या सामाजिक न्यायाचे विचार डॉ बाबा साहेब आंबेडकरांनी संविधानाच्या रूपात आपल्याला दिलेत.मंडल आयोगाने ओबीसीना शिक्षण आणि नोकरीत आरक्षण सदर्भा त शिफारशी केल्या त्याच बरोबर इतरही शिफारशी केल्यात.त्या सर्व शिफारशी ओबीसी ना लागू होणे गरजेचे आहे.ओबीसी जनगणना,ओबीसी शिष्यवृती, स्वाधार योजना,तसेच राज्यात ओबीसी विद्यार्थांना  वसतिगृह,ओबीसी सवलती बाबत उत्पन्नाची अट रद्द करणे या महत्वाच्या मागण्या घेऊन राज्यात जनजागृती होण्यासाठी मंडल यात्रेचे  नियोजन होत असून ,जास्तीत जास्त संख्येने मंडल यात्रेत सहभागी होण्याचे आवाहन लढा ओबीसी जनगणना विषय न्यायालय,विधीमंडळ,संसदे पर्यंत पोहचविण्यार्या तसेच पाटी लावा अभियानाच्या प्रणेत्या डॉ ऍड अंजली साळवे यांनी केले.

सध्याची परिस्थिती लक्षात घेता मंडल आयोगाच्या शिफारशी लागू केल्यानंतरही प्रस्थापित राजकीय शक्ती याची अंमलबजावणी करणार नाहीत हे लक्षात घेवूनच अनु.जाती/जमाती व इतर मागास वर्गीयांची सत्ता कशाप्रकारे हस्तगत करण्यात येईल, याचा आराखडा तयार करून अनु.जाती/जमाती यांना मिळणा-या सवलती आणि त्यांची टक्केवारीसुध्दा निश्चित करण्यात आली आहे. त्यामुळे घटनात्मक तरतुदीनुसार एकमेकांच्या टक्केवारीवरून तंटे होत आहेत. नॉन क्रिमेलिअर ची अट बहुतांशी ओबीसी तरुणांना घातक ठरत आहे.

जे राजकारण ओबीसी,अनु.जाती/जमातींमध्ये खेळवले गेले त्याचा कुटील डाव यांची राजकीय एकजूट कदापिही होता कामा नये, अशी मंडळी ओबीसी समाजाला वापरून निवडणुका लढतात, जिंकून आल्यावर समाजचे काम करायची वेळ आली की खांद्यावर हाथ ठेऊन फक्त खुश करतात परंतु समाजच्या प्रश्नांवर सरकार दरबारी प्रत्यक्ष प्रयत्न करत नाहीत. अश्या हितसंबंधी राजकीय शक्तींना बाजूला करून आपली ओबीसी व अनु.जाती/जमातींची राजकीय एकजूट करून मंडल आयोगाची अंमलबजावणी या प्रश्नाच्या अनुषंगाने केली, तर पुढे अनेक आर्थिक, सामाजिक प्रश्नांवर अभेद्य अशी सामाजिक एकजूट सांधली जावू शकते. यात ओबीसी समाजाच्या वतीने  सत्ता व आर्थिक व्यवस्थेमध्ये आपणास सहभागी होऊ तेव्हाच हे आर्थिक -सामाजिक चित्र बदलावता येईल असे मत धनोजे कुणबी मध्यवर्ती समाज मंडळाचे अध्यक्ष अॅड. पुरुषोत्तम सातपुते यांनी व्यक्त केले.

आमची भूमिका आम्ही आपणासमोर ठेवीत आहोत. आपण याचा विचार करावा. काही दिवसांमध्ये ओबीसी जातींमध्ये तालुका, जिल्हा पातळीवर संवाद सुरू व्हावा व मंडल आयोगाच्या कोणत्या शिफारशी आहेत; याची चर्चा घडवून आणण्याचा निर्णय सभेने घेतला. स्थानिक जिल्हा व तालुक्याचे पदाधिकारी यासंबंधीच्या बैठका आपणास कळवतील. मग त्याचे परिणाम लवकरच दृष्टीस येतील. या निवडणुकांच्या निमित्ताने अनु.जाती/जमाती व ओबीसी यांच्यामध्ये सामाजिक पातळीवर अभिसरणाची प्रक्रिया सुरू करता येईल. ओबीसीमधील जातींच्या अनेक संस्था असून त्यामध्ये प्रामाणिकपणे काम करणारे अनेक होतकरू कार्यकर्ते आहेत. अशा कार्यकर्त्यांना या यात्रेत प्रतिनिधित्व देण्याचे विशेष प्रयत्न करणार आहोत असे नियोजन ओबीसी सेवा संघाचे जिल्हाध्यक्ष प्रा. अनिल डहाके यांनी सभेत चर्चे आणले.

अशा त-हेने जिल्हा पातळीवर एकजूट साधली ,तर आपल्याला मागण्या सरकारकडून पूर्ण करवून घेतल्यास आपण एकटे पडणार नाहीत असा विश्वास ठराव सर्वानुमते घेण्यात आला.

सभेला प्रमुख पाहुणे म्हणून अॅड. पुरुषोत्तम सातपुते, ओबीसी जनगणना पाटी लावा अभियान मोहिमेचे प्रणेत्या अॅड. अंजली साळवे, प्रा. अनिल डहाके, विलास माथानकर अॅड. मेघा भाले, गोमती पाचभाई उपस्थित होते. याप्रसंगी छत्रपती शाहू महाराज यांना पुष्प वाहून आदरांजली अर्पण करण्यात आली. यावेळी ओबीसी जातनिहाय जनगणना झाली पाहिजे यासाठी विदर्भात पुन्हा एकदा मंडल यात्रा काढण्याचा संकल्प करण्यात आला.

बैठकीत विवेक खुटेमाटे, मनोहर माडेकर, शंकर काळे, किशोर मोहुर्ले, सुधीर कोरडे, राजेंद्र खाडे, उमेश कडू, , ऍड सतघरे ,प्रा. नागेश गंडलेवार, नागेश्वर रत्नपारखी आदी उपस्थित होते.